Shkruan: Bedri Elezi, Drejtori për Siguri në Institutin për Studime Ndërkombëtare

Organet e ndjekjes, gjithnjë e më shumë po i shtojnë dyshimet qytetarëve se mund të shndërrohen në kërcënuesit kryesorë të sigurisë së tyre e sidomos sigurisë juridike. Ambasada amerikane është tërhequr të premten nga procesi i mbikëqyrjes së zgjedhjes së anëtarëve të rijnë në Këshillin Prokurorial të Kosovës si dhe zgjedhjes së kryeprokurorëve, sepse me të drejtë mund të konsiderohen se mund të jenë bërë pjesë e cenimit eventual të sigurisë së qytetarëve dhe atë nga veprimet e prokurorëve politik, e të cilët mund t’i shërbejnë personave apo grupeve të caktuara politike ose klanore. Jemi dëshmitarë të asaj se ç’do ditë e më shumë kemi përndjekje të qytetarëve laik të cilët mund të jenë gjahu i veprimeve të ndryshme të organeve të ndjekjes siç janë: Policia dhe Prokuroria e shtetit, she me arsyetimin e vetëm nëse ata qytetarë ka qenë pengesë apo kritikues të sistemit të drejtësisë në Kosovë.

Me të drejtë ambasada Amerikane është larguar, ngase gjithnjë e më shumë po keqpërdoret prezenca e zyrtarëve të ambasadës Amerikane apo institucioneve tjera Amerikane si një lloj garancie para qytetarëve se Amerikanët janë garantues të drejtësisë në Kosovë.

Kështu Duke keqpërdorur ketë mbështetje të SHBA-ve, shumë procese të ndjekjes mund të jenë keqpërdoruar që nga fillimi i hetimeve e deri tek aktgjykimet e formës së prerë, ndoshta edhe duke orkestruar dëshmitarë e prova në raste akoma jo mjaftueshëm bindëse.

Ky veprim i tërheqjes së ambasadës Amerikane duhet konsideruar si një fillim i depolizimit apo edhe i dekriminalizimit të institucionet e ndjekjes në Republikën e Kosovës.

Duhet fillimisht një vetingg i gjithë Policisë, Prokurorisë dhe Gjykatës, dhe atë duke filluar nga hulumtimet financiare (pasurisë së tyre dhe familjarëve të tyre) pastaj sistemimin e familjarëve në institucione shtetërore përmes ushtrimit të ndikimit apo shantazhit e deri tek orkestrimet për përndjekje të personave të caktuar për interes të personave apo grupeve të caktuara.

Mungesa e mbikëqyrjes së mirëfilltë të sistemit të drejtësisë ka rezultuar në joefikasitet, madje kemi pasur shumë lëndë të cilat nuk kanë marrë epilogun e duhur, shumë lëndë prokuroret kanë i humbur gjë që do ti kushtojnë taksapagueseve për dëmshpërblimet e të akuzuarave. Prokuroria e shtetit duhet të jetë institucioni më kredibil në vend dhe se të gjithë prokurorët duhet ju nënshtrohen një verifikimi të ri, dhe një riorganizimi adekuat dhe transparent.

______________________________________________________________________________________

Shënim: Opinioni që sapo lexuat nuk shpreh qëndrimin/opinionin e Arbresh.info. Ai është një trajtim sipas bindjeve të autorit dhe shpreh vetëm opinionin e tij rreth çështjes që trajton